કોરોના સામે લડવા મોદીજીએ ઘડ્યો માસ્ટર પ્લાન.

દેશમાં કોરોના વાયરસના કેસ સતત વધી રહ્યા છે. મોદી સરકાર કોરોના વાયરસ સામે લડવા માટે તમામ પ્રયત્નો કરી રહી છે. હવે કોરોના વાયરસ રોગચાળો સામે લડવા નરેન્દ્ર મોદી સરકારે 3 તબક્કાની વ્યૂહરચના ઘડી છે.

કોવિડ -19 સામેની લડત માટે કેન્દ્ર સરકારે રાજ્યોને એક પેકેજ જારી કર્યું છે. આ પેકેજને ઇમર્જન્સી રિસ્પોન્સ અને હેલ્થ સિસ્ટમ પ્રિપેરેનેસ પેકેજ નામ આપવામાં આવ્યું છે. આ પેકેજ 100% કેન્દ્ર સરકાર દ્વારા ફન્ડેડ છે. કેન્દ્રનું અનુમાન છે કે કોવિડ -19 સામેની લડાઈ વધુ લાંબી ચાલશે. તે જ સમયે, રાજ્યો અને કેન્દ્રશાસિત પ્રદેશોને મોકલવામાં આવેલા પત્ર મુજબ, પ્રોજેક્ટમાં ત્રણ તબક્કાઓ છે.

પ્રથમ તબક્કો – જાન્યુઆરી 2020 થી જૂન 2020

બીજો તબક્કો – જુલાઈ 2020 થી માર્ચ 2021

ત્રીજો તબક્કો – એપ્રિલ 2021 થી માર્ચ 2024

પ્રથમ તબક્કામાં, કોવિડ -19 હોસ્પિટલો વિકસાવવા, આઇસોલેશન બ્લોક્સ બનાવવા, વેન્ટિલેટર સુવિધાઓનું આઈ.સી.યુ. બનાવવા, PPEs (પર્સનલ પ્રોટેક્શન ઇક્વિપમેન્ટ્સ) – N95 માસ્ક – વેન્ટિલેટરની ઉપલબ્ધતા પર ધ્યાન કેન્દ્રિત કરવામાં આવશે.

લેબ નેટવર્ક અને ડાયગ્નોસ્ટિક સુવિધાઓ બનાવવા પર ધ્યાન કેન્દ્રિત કરવામાં આવશે. ફંડનો ઉપયોગ સર્વેલન્સ, રોગચાળા સામે જાગૃતિ લાવવા માટે પણ કરવામાં આવશે. ભંડોળનો એક ભાગ હોસ્પિટલો, સરકારી કચેરીઓ, જાહેર સુવિધાઓ અને એમ્બ્યુલન્સને ચેપ મુક્ત બનાવવા માટે પણ ખર્ચ કરવામાં આવશે.

આ પ્રોજેક્ટ કેન્દ્ર અને રાજ્યો સાથે અનેક રાઉન્ડના સંવાદ બાદ બહાર આવ્યો છે. રાજ્ય સરકારો દ્વારા કોવિડ -19 રોગચાળા સામે લડવા માટે સતત ખાસ પેકેજની માંગ કરવામાં આવી રહી છે. રાજ્યોના મુખ્યમંત્રીઓ સાથે વડાપ્રધાનની વાતચીત દરમિયાન પણ આ મુદ્દો ઉભો થયો છે.

બીજા અને ત્રીજા તબક્કામાં શું કરવામાં આવશે, તેનો ખુલાસો હજી બાકી છે. તે માટે પરિસ્થિતિ પર ઘણું નિર્ભર રહેશે.

Hits: 379