ડોમેસ્ટિક ફ્લાઇટનું બુકીંગ 4થી મે થી શરૂ થશે..આંતરરાષ્ટ્રીય ફલાઈટ માટે જૂન સુધી રાહ જોવી પડશે.

એર ઇન્ડિયાએ શનિવારે માહિતી આપી હતી કે 1 જૂનથી તે આંતરરાષ્ટ્રીય રૂટની ટિકિટ બુક કરવાનું કામ શરૂ કરશે. સરકારી એરલાઇને એ પણ માહિતી આપી હતી કે 4 મેથી ડોમેસ્ટિક રૂટ માટે પણ ટિકિટ બુકિંગ શરૂ કરી દેવામાં આવશે

સરકાર દ્વારા સંચાલિત એરલાઇન્સ એર ઈન્ડિયા એ લોકડાઉન પછી તેની સેવાઓ શરૂ કરવાની માહિતી આપી છે. શનિવારે, એર ઇન્ડિયાએ કહ્યું કે 1 જૂનથી તે આંતરરાષ્ટ્રીય રૂટ્સ માટેની ટિકિટ બુકિંગ શરૂ કરશે. સરકારી વિમાન કંપનીઓએ એ પણ માહિતી આપી હતી કે લોકડાઉન સમાપ્ત થયાના બીજા જ દિવસથી એટલે કે 4 મેથી તેઓ કેટલાક ડોમેસ્ટિક રૂટની ટિકિટ બુક કરવાનું શરૂ કરશે.

કયા શહેરો સામેલ હશે?

આ પહેલા વડા પ્રધાન નરેન્દ્ર મોદીએ 14 મી એપ્રિલના રોજ 3 મે સુધી લોકડાઉન લંબાવાની જાહેરાત કરી હતી. આ પછી, એર ઇન્ડિયાએ ડોમેસ્ટિક અને આંતરરાષ્ટ્રીય રૂટ પર પોતાની સેવાઓ શરૂ કરવામાં મોડું કરવાનો નિર્ણય લીધો હતો. નોંધનીય છે કે આંતરરાષ્ટ્રીય અને સ્થાનિક એરલાઇન્સ કોરોના વાયરસ મહામારીને કારણે બંધ છે. સરકારી એરલાઇને જણાવ્યું છે કે તે 4 મેથી ચોક્કસ પસંદગીના ડોમેસ્ટિક રૂટ પર ટિકિટ બુક કરવાનું કામ શરૂ કરશે. તેમાં દિલ્હી, મુંબઇ, ચેન્નાઈ, કોલકાતા, બેંગાલુરુ પણ સામેલ છે.

બુકિંગ સેવાઓ લોકડાઉન થાય ત્યાં સુધી બંધ

એર ઇન્ડિયા એ તેની વેબસાઇટ પર આપવામાં આવેલી માહિતીમાં જણાવ્યું છે કે હાલમાં લોકડાઉનને કારણે તેણે આંતરરાષ્ટ્રીય રૂટ પર ટિકિટ બુક કરવાની સેવા 31 મે સુધી બંધ કરી દીધી છે. તે જ સમયે, ડોમેસ્ટિક રૂટ માટેની આ સેવા 3 મે સુધી બંધ છે.

પ્રથમ રાઉન્ડમાં બુક કરાયેલ ટિકિટ પર 100% રિફંડ

નોંધનીય છે કે લોકડાઉનના બીજા તબક્કાની જાહેરાત પછી કેન્દ્ર સરકારે કહ્યું હતું કે જો કોઈ મુસાફરે 24 માર્ચથી 14 એપ્રિલ તારીખની વચ્ચે 15 એપ્રિલ પછીની યાત્રા માટે ટિકિટ બુક કરાવી છે તો એરલાઇન કંપનીઓ સંપૂર્ણ રિફંડ આપી દેશે. કોઈ પણ કંપની કોઈપણ કારણસર ટિકિટના રિફંડમાં ઘટાડો કરશે નહીં.

ઈન્ડિગોએ ફ્લાઇટ શરૂ કરવા અંગે માહિતી આપી

આ અગાઉ ખાનગી ક્ષેત્રની એરલાઇન ઇન્ડિગોએ તેની ફ્લાઇટ શરૂ કરવા માટે નવી યોજના જારી કરી છે. કંપનીએ 4 મેથી ફ્લાઇટ શરૂ કરવાની માહિતી આપી છે. તમને જણાવી દઇએ કે ઉડ્ડયન મંત્રાલયે 3 મેની રાત્રે 11:59 વાગ્યા સુધી કોઈ પણ ફ્લાઇટ ન ઉડાવવાનો નિર્ણય લીધેલો છે.

Views: 293